असोज ६,
काठमाडौं । शनिबार ट्रेलर सार्वजनिक गर्दै ‘छक्का पञ्जा ३’ को प्रदर्शन मिति पनि घोषणा गरिएको छ । शनिबार गरिएको प्रेसमिटमा निर्माता तथा अभिनेता दीपकराज गिरीले ‘छक्का पञ्जा ३’ घटस्थापनामा प्रदर्शन हुने जानकारी गराए । प्रोमो हेर्नुस् स्
दिपाश्री निरौला निर्देशित फिल्म ‘छक्का पञ्जा ३’ को प्रोमोमा कमेडी पञ्चसँगै विषयवस्तुलाई पनि प्राथमिकतामा राखिएको छ । ग्रामाणि शिक्षाको महत्व सम्बन्धी कथा बोकेको फिल्ममा दिपकराज, दीपिका प्रसाईं, केदार घिमिरे, जितु नेपाल, बुद्धि तामांग, विल्सन विक्रम राई, शिवहरी पौडेल, किरण केसी, निर शाह, लक्ष्मी गिरी, अनुरागमान सिंह कुवर लगायत कलाकारको अभिनय छ । पुरुषोत्तम प्रधानको छायाँकन रहेको फिल्ममा अर्जुन पोखरेल र दीपक शर्माले संगीत दिएका छन् । फिल्ममा समावेश पहिलो नम्वरमा गीत सुपरहिट भैसकेको छ भने कालै पल्केला गीतले पनि दर्शक तथा श्रोताको मन जित्दै छ ।
